Әбсәләмнең «Нур» вокаль ансамбле янә дипломант булды

2021 елның 14 июле, чәршәмбе

Әбсәләм мәдәният йорты каршында эшләп килүче «Нур» вокаль ансамбле төрки халыкларның Халыкара халык иҗаты фестивалендә катнашты. Азнакайда «Чатыр тауда җыен - 2021» фестивале узды. Анда 40 коллектив катнашты, алар арасында Таҗикстан һәм Үзбәкстан вәкилләре дә бар иде.

Матур табигать, игелеклелек һәм үзара аңлашу атмосферасы, җыелучыларның бер-берсенә ихлас елмаюлары һәм, әлбәттә инде, истәлекле бүләкләр һәм дипломнар – болар барысы да коллективның данлы елъязмасының иң якты сәхифәләреннән берсе булып калачак.