Ютазы районында илкүләм проект буенча Азнакай-Ютазы-М-5 юлын ремонтлау төгәлләнде

2021 елның 14 июле, чәршәмбе

Ике километр озынлыктагы участокта ЩМА-11 югары ныклыктагы вак таш-мастик асфальтобетоннан яңа катлам җәелгән, трассаның уртасы  ныгытылган, кисешкән юл эшкәртелгән, һәр яктан бер метр арада юл кырыйлары ныгытылган.

19 юл билгесе куясы гына калган.

Юл 4 нче техник категория нормативы буенча 2 хәрәкәт полосасы һәм 7 м киңлектәге хәрәкәт полосасы белән проектланган. Ул М-5 «Урал» һәм М-7 «Волга» федераль трассаларына чыгуны тәэмин итә. Аның буенча муниципалитетара һәм төбәкара автобус маршрутлары йөри.

Илкүләм проектлар Россиядә 2019 ел башыннан бирле Владимир Путинның Май указы нигезендә гамәлгә ашырыла.