Ютазы районында «Автоледи» конкурсы узды
2021 елның 3 августында Россия Эчке эшләр министрлыгының Ютазы районы буенча ЮХИДИ бүлекчәсе, «Юл хәрәкәте иминлеге» ДБУ белән берлектә, Ютазы ДОСААФ муниципаль оешмасы ярдәме белән һәм Ютазы ДОСААФы базасында хатын-кызлар арасында «Автоледи» республика машина йөртү осталыгы конкурсының район этабы узды.
Конкурста 11 кыз катнашты, аларның 7се конкурсның барлык этапларын узды. Конкурс 2 этаптан торды:
1. Юл йөрү кагыйдәләрен белү буенча имтихан
2. Фигуралы йөртү.
Ике этапны да узганда күрсәтелгән нәтиҗәләр суммасы буенча конкурста Лада Гранта автомобилендә катнашкан Сәмигуллина Гөлназ җиңүче дип табылды. 2 урынны Карпова Любовь яулады, 3 урында - Сәгъдиева Гүзәл. Җиңүче һәм финалистлар кыйммәтле призлар белән бүләкләнде, барлык катнашучыларга оештыручылар чәчәкләр тапшырдылар. Кызлар булдырдылар, барысы да диярлек юл хәрәкәте кагыйдәләрен яхшы белүләрен күрсәттеләр, ә трассаны узганда бер-берсеннән секундларда гына калыштылар! Катнашуыгыз өчен рәхмәт сезгә!