Район хастаханәсе автопаркы янәдән тулыланды
Кичә Урыссу үзәк район хастаханәсе баш табибы Светлана Шакирова Казаннан Ютазы районына өр-яңа Лада Ларгус автомобиле белән әйләнеп кайтты.
“2021-2025 елларга Татарстан Республикасы сәламәтлек саклавының беренчел звеносын модернизацияләү программасы” кысаларында район үзәк хастаханәләре авыл халкына беренчел медик-санитар ярдәм күрсәтү өчен 70 берәмлек яңа автомобиль кабул итте. Яңа машиналардан ачкычлар тапшыру тантанасында ТР Дәүләт Советы рәисе Фәрит Мөхәммәтшин һәм ТР Премьер-министры Алексей Песошин катнашты.
Агымдагы елның 1 сентябренә кадәр тагын 60 берәмлек автомобиль сатып алу планлаштырыла. 2021 елда Татарстан федераль программа нигезендә барлыгы 413 машина алачак, дип хәбәр итә ТР Сәламәтлек саклау министрлыгының матбугат хезмәте.
.jpg)