Хөрмәтле Ютазы районы төзүчеләре!
Сезне һөнәри бәйрәмегез - Төзүчеләр көне белән чын күңелдән котлыйм!
Төзүче хезмәте һәркемгә күренә, шуңа күрә иҗтимагый әһәмияткә ия. Чөнки сезгә турыдан-туры икътисад уңышлары һәм социаль өлкәне ныгыту гына бәйле түгел. Сезнең эшнең сыйфаты - ул, барыннан да элек, кешеләрнең иминлеге, аларның лаеклы һәм ышанычлы тормышы. Сезнең кулларыгыз белән булдырыла торган эшләр кешеләрне бәхетле итә, ә аларның тормышлары төзек һәм уңайлырак. Төзелеш - ул һәрвакыт алга бару һәм үсеш.
Сезнең барлык көннәрегез дә бәхетле һәм ачык булсын, ә уй-ниятләрегез кешеләргә кирәкле эшләргә һәм лаеклы нәтиҗәләргә әверелсен. Сезгә һәм якыннарыгызга нык сәламәтлек, бәхет, уңышлар, якыннарыгызның күңел җылысын һәм тормышыгызда зур уңышлар телим!
Ютазы муниципаль районы башлыгы
А. Ә. Шәфигуллин