Районның социаль яклау бүлеге коллективы ТР Хезмәт министры урынбасары белән очрашты
Районга эш визиты белән килгән ТР Хезмәт, мәшгульлек һәм социаль яклау министры урынбасары Гадел Мөбарәкшин район тормыш эшчәнлеге белән танышты һәм ТР Хезмәт, мәшгульлек һәм социаль яклау министрлыгы карамагындагы социаль яклау бүлеге коллективы белән очрашты.
Район башлыгы Аяз Шәфигуллин һәм социаль яклау бүлеге начальнигы Зәрия Рәшитова җитәкчелегендә узган очрашу барышында ул кыскача гына
безнең республика казанышларының төп позицияләренә, коронавирус йогышлы авыруы белән бәйле сынаулар вакытында районның социаль хезмәткәрләренең мобильлегенә һәм бердәмлегенә тукталды. Социаль яклау бүлеге эшеннән канәгать булуын белдереп, Адель Мөбарәкшин залда җыелучыларга муниципалитет белән тыгыз элемтәдә эшләүләре, үзләре тәрбиясендәге 169 кеше белән аңлашып эш итүләре өчен һәм аларның үз йортларында үзләрен яхшы хис итүләре һәм сәламәт шартлар урнаштыруга ярдәм итүләре өчен рәхмәт белдерде.
http://yutazy.ru