«Талантлар йолдызлыгы» рубрикасын дәвам итәбез
Бүген без сезне Зиновьева Даша, Урыссудагы 3 санлы мәктәпнең 11 «А» сыйныфы укучысы белән таныштырабыз.
Кече яшьтән үк Даша физик культура һәм спорт белән шөгыльләнә. Башта 1-7 сыйныфларда йөзүгә өйрәнә, аннары, 6-8 сыйныфларда параллель рәвештә - җиңел атлетиканы үз итә башлый. Аның йөзү буенча 2нче өлкәннәр разряды һәм җиңел атлетика буенча 1нче өлкәннәр разряды бар һәм ул һәрвакыт мәктәп командасы составында төрле рангтагы ярышларда мәктәп һәм район данын яклады һәм яклый.
Мәктәпкә «Юнармия» бөтенроссия хәрәкәте үтеп керү белән кыз Динар Вилданов җитәкчелегендәге «Факел» мәктәп юнармия отрядының актив әгъзасына әверелә. Строй әзерлеге смотрларында, строй һәм җыр смотрларында, «Аҗаган» хәрби-патриотик уенында актив катнашучы була, ату буенча ярышларда күп тапкырлар җиңүче һәм призер, район Парадында, 9 майда Почетлы каравылда алыштыргысыз катнашучы. 2020 елда «Юнармия» Бөтенроссия балалар-яшүсмерләр хәрби-патриотик иҗтимагый хәрәкәтенең №32 боерыгы белән «Парадта катнашкан өчен» медале белән бүләкләнә, отряд составында юнармия отрядларының 1 нче Постта Хәтер Вахтасы Почетлы каравылы республика смотр-конкурсы финалисты була.
Спортта һәм яшьармиячеләр хәрәкәтендә алган барлык күнекмәләре Дашаны «Форпост» хокук саклау хәрәкәте Спартакиадаларында катнашуга һәм җиңүләргә китерә. 1000 метрга йөгерүдә - 1 урынны, мылтыктан ату буенча ярышта - 1, 2 урынны, 1500 метрга йөгерүдә 3 урынны яулый ул...
Алган белемнәре һәм осталыклары алга таба да Дашага укуында кирәк булыр һәм ул шулай ук үз тормыш юлындагы барлык киртәләрне дә җиңел узар дип ышанабыз.