Татарстан Республикасы территориясендә метеорологик күренешләрнең интенсивлыгы турында консультация-кисәтү
Хөрмәтле гражданнар! "Татарстан Республикасы Гидрометеорология һәм әйләнә - тирә мохитне күзәтү идарәсе" ФДБУдан килде:
2021 елның 8 октябрендә метеорологик күренешнең интенсивлыгы турында консультация кисәтү
2021 елның 8 октябрендә төнлә һәм көннең беренче яртысында Татарстан Республикасының һәм Казан шәһәренең кайбер урыннарында күренүчәнлек 500 метр яки аннан да начаррак булган томан көтелә.
Татарстан Республикасы буенча Русия ГТХМ Баш идарәсе халыкка киңәш итә:
Томанда:
Әгәр сез, табигатьтә булганда, томан куерганын күрсәгез, урманда яки сулыкта ориентацияне югалтмас өчен, чаралар күрергә кирәк.
Томан юл хәрәкәтендә катнашучыларның барысына да куркыныч тудыра. Автомобиль томан эчендә хәрәкәт иткән вакытта артык үзгәртеп урнашулардан, башка автомобильләрне узып китүләрдән баш тартырга кирәк.
Томан шартларында юл-транспорт һәлакәтләренең күбесе алда баручы транспорт чарасы белән була. Шуны истә тотарга кирәк, томан ераклыкны яшерә – гадәти дистанцияне арттырырга, тизлекне киметергә кирәк.
Кискен тормозга басулардан саклану мөһим: туктау кирәк булганда, тизлекне салмак кына киметү зарур. Берничә тапкыр тормоз педаленә басып, сезнең арттан барган машина йөртүчеләрне кисәтергә кирәк. Томан вакытында хәрәкәт иткәндә, машина йөртүчеләр тиз алҗый, уяулык, саклык артык булмаячак.
Игътибарлы һәм сак булыгыз!
Теләсә нинди бәла булган очракта сез һәрвакыт ашыгыч хезмәтләрне бердәм чакыру номерына – «112» мөрәҗәгать итә аласыз. Шалтыратулар тәүлек буе һәм шәһәр телефоннарыннан бушлай кабул ителә.