РФ Дәүләт һәм муниципаль хезмәтләрнең бердәм порталында 2022 елда югары тизлекле интернетка тоташтырылачак торак пунктлар өчен тавыш бирү башланды
2021 елның 11 октябрендә Россия Федерациясе дәүләт һәм муниципаль хезмәтләрнең бердәм порталында цифрлы тигезсезлекне бетерү программасы кысаларында 2022 елда югары тизлекле интернетка тоташтырылачак торак пунктлар өчен тавыш бирү башланды.
Уцн 2.0 программасы кысаларында 100 дән алып 500гә кадәр кеше яшәгән торак пунктларда 3G һәм 4G стандартларының мобиль челтәрен радиокаплау юклыгы яки канәгатьләнмәслек сыйфаты күзәтелә торган торак пунктларда 4G стандартының база станцияләре урнаштырылачак. Тавыш бирү өчен түбәндәге адрес буенча урнаштырылган махсус бүлек эшкә җибәрелде: https://www.gosuslugi.ru/inet.
Әлеге тавыш бирү нәтиҗәләре буенча Татарстан Республикасының 61 торак пункты билгеләнәчәк (квота РФ Социаль яклау министрлыгы тарафыннан билгеләнә), анда 2022 елда югары тизлекле интернетка мобиль керү тәэмин ителәчәк. Проектны «Ростелеком» ПАҖ һәм «Т2 Мобайл» ҖЧҖ гамәлгә ашырачак. Республиканың калган 563 торак пунктында Интернет челтәренә киң полосалы мобиль үтемлелек тәэмин итү 2030 елга кадәр этаплап алып барылачак.