Эш урыннарында куркынычсызлыкка аерым игътибар

Кидәшмә оешма территориясенә экскурсидән башланды. Район җитәкчелегеннән башка анда тагын иҗтимагый оешма, предприятие җитәкчеләре, район прокуроры һәм район балалар Думасы депутатлары да катнашты.Оешманың идарә директоры Олег Кращенко складлар һәм гипс цехлары буенча экскурсия уздырды, параллель рәвештә заодтагы куркынычсызлык кагыйдәләрен дә әйтеп китте. Әлеге кагыйдәләр узган елның сентябрендә заводта килеп чыкка аяныч хәлдән соң кертелде дип искәртеп узды директор.

Аннары киңәшмә директор кабинетына дәвам итте. Заводтагы куркынычсызлык кагыйдәләре, хезмәтне саклау ничек куелуы турында заводның кыркынычсызлык саклау буенча инженеры Анастасия Роготнева сөйләде. Бигрәк тә тыңлаучыларның игътибарын өч баскычлы куркынычсызлык саклау кагыйдәләре җәлеп итте. Беренче баскычта һәр көнне куркынычсызлык кагыйдәләрен цех мастеры тәэмин итә, ә икенче баскычта ике атнага бер тапкырдан да ким булмыйча цех начальнигы уздыра, өченчесен - айлык комиссия уздыра, аның җитәкчесе баш инженер. Моннан тыш Анастасия Леонид кызы җыелучыларны агымдагы һәм киләчәк елларда хезмәтне саклау буенча уздырыласы чаралар планы белән дә таныштырып үтте.

Район башлыгы Рөстәм Нуриев сүзләре буенча, нәкъ менә оешмаларда килеп чыккан проблемалар бер "Волма"да гына түгел, ә калган оешмаларда да бар. "Кечкенә генә районга үлем белән тәмамланган дүрт очрак - бу бик күп" - дип ассызыклады башлык. Әлеге ситуацияләр районда хезмәтне саклау буенча чараларны арттырырга импульс бирде дә инде. Барлык оешма җитәкчеләре моңа аерым игътибар юнәлтә башладылар.

Киңәшмә азагында Рөстәм Мидхәтович оешма эшенә уңай бәя бирде, завод, аның сүзләренчә, бер урында гына таптанмый, үсә, алга китә, технологияләр ңара, кадрлар арта, экологиягә дә аерым игътибар бирелә. Сүз уңаенда, оешмада күзгә күренеп чистарак һәм саф һава икәне сизелеп тора. Бу күптән түгел генә урнаштырылган һава чистарткыч нәтиҗәсе. Икенче шундый ук фильтр җәй урталарына урнаштырылыр дип көтелә.