29 ноябрь көнне Ютазы районы башлыгы Аяз Шәфигуллин җитәкчелегендә атналык эшлекле киңәшмә узды
29 ноябрьдә Ютазы районы башлыгы Аяз Шәфигуллин җитәкчелегендә атналык эшлекле киңәшмә узды, анда структур бүлекчәләр начальниклары, авыл җирлекләре башлыклары, район оешмалары һәм учреждениеләре җитәкчеләре катнашты.
Чара бүләкләү тантанасыннан башланды. Аерым хезмәтләре һәм районның социаль-икътисади үсешенә зур өлеш кертүе өчен Аяз Шәфигуллин "Ютазы муниципаль районына 30 ел" медален "Горизонт" ҖЧҖнең хуҗалык эшләре буенча директор урынбасары Риф Асаевка; Ютазы районы ветераннар советы рәисе Владимир Петровка; Ютазы районы хатын-кызлар советы рәисе Наилә Хөснетдиновага; "УПНМ" ҖЧҖ директоры урынбасары Риф Шәриповка тапшырды.
Башкарылган эшкә карамастан, районда коронавирус авыруы белән хәл киеренке булып кала бирә. Шуңа бәйле рәвештә районның сәламәтлек саклау системасына һәм беренчел звенога йөкләнеш арта, стационар медицина ярдәме күрсәтүгә ихтыяҗ арта.
Урыссу РҮХнең баш табибы Светлана Шакирова вәзгыятьне тотрыклы дип бәяләде, атна эчендә авыручылар артуы күзәтелми. Гриппка һәм коронавирус инфекциясенә каршы прививка ясатырга теләүчеләр өчен 18 ФАП һәм Ютазы һәм Бәйрәкә авылларында 2 табиблык амбулаториясе, Урыссу бистәсендә прививкалар ясату пунктлары көн саен, якшәмбедән кала эшли. Светлана Шакирова билгеләп үткәнчә, РФ Сәламәтлек саклау министрлыгы карары нигезендә, 12 яшьтән алып 17 яшькә кадәр балаларны вакциналаштырырга кирәк. Балалар буенча хәл киеренке булып кала, бүгенге көндә авырулар бик күп. Шуңа күрә кайбер мәктәпләр дистанцион укуга күчте. Районда 4 меңнән артык бала исәпләнә. Алар өчен вакцина кайтмаган әле. Ә менә 60 яшьтән өлкәнрәк кешеләрнең вакцина ясатулары кимегән, шуңа игътибар итәргә кирәк, әлеге категория кешеләре куркыныч янаган төркемдә. Бүгенге көндә 109 кеше амбулаториядә дәвалана, 46 кеше стационарда.
Район башлыгы Аяз Шәфигуллин авыл халкы арасында вакцинация үткәрү, мәктәпкәчә һәм мәктәп учреждениеләрендә профилактика эшен дәвам итәргә чакырды.
Бүгенге көннең башка актуаль мәсьәләләре буенча фикер алышканда, Аяз Шафигуллин болай дип билгеләп үтте: "Ел ахырына кадәр бер ай вакыт калды. Район һәм җирлек бюджетының керем өлешен үтәргә кирәк, бюджет акчаларын тулысынча файдаланырга, ә моның өчен барлык проектларны да тормышка ашыруны тәмамлау зарур, һәм "Пушкин картасы" чаралары буенча активрак эшләү мөһим.
Район башкарма комитеты җитәкчесенең инфраструктура үсеше буенча урынбасары вазифаларын башкаручы Оксана Власова тормышка ашырылган программалар һәм район мәдәният йорты һәм "Яңарыш" паркы каршындагы мәйданны Яңа ел алдыннан бизәү мәсьәләләре буенча чыгыш ясады.
Районның атналык оператив шартлары белән атна эчендә Россия Эчке эшләр министрлыгының Ютазы районы буенча бүлеге начальнигы Евгений Клещевников таныштырды. Узган атнада ЮХИДИ линиясе буенча 91 административ беркетмә төзелгән, 2 юл-транспорт һәлакәте теркәлгән, исерек хәлдәге 2 шофер тоткарланган.