Ютазы районы халыкны эш белән тәэмин итү үзәге «Россиядә эш» бердәм цифрлы платформасына күчү турында хәбәр итә
Төбәк халкы Россиядә беренчеләрдән булып мәшгульлек үзәкләренең электрон хезмәтләреннән эш эзләү өчен файдалана алачак. Татарстан Республикасы Эш бирүчеләр шулай ук персоналны "Работа в России" порталы аша да сайлый алачак. Бу кадрлар үзәкләренең халыкны эш белән тәэмин итү өлкәсендә бердәм цифрлы платформага күчүе нәтиҗәсендә мөмкин булды.
18 ноябрьдән эш табарга теләүчеләр электрон форматта хезмәт күрсәтә ала. Мондый гражданнарга «Россиядә эш» сайтына керергә, квалификация дәрәҗәсе һәм эш стажы турындагы мәгълүматларны күрсәтеп, гариза тутырырга һәм аңа резюме беркетергә кирәк булачак. Туры килә торган вакансияләр эзләү автомат рәвештә, мәгълүматларны интеллектуаль анализлау нигезендә башкарылачак.
Мәшгульлек үзәкләренең яңа эш форматы гражданнарны күпчелек документларны күрсәтүдән азат итәчәк. Шулай итеп, бүтән хезмәт кенәгәсен, яшәү урыны буенча белем алу һәм теркәлү турындагы мәгълүматларны бирергә кирәк булмаячак. Әлеге мәгълүматлар системага ведомствоара хезмәттәшлек ярдәмендә киләчәк.
Порталда эшләү буенча консультация кирәк булса, гражданнар Ютазы районының мәшгульлек үзәге белгечләренә мөрәҗәгать итә алалар һәм алар (85593) 2-60-18 телефоны буенча ярдәм күрсәтәчәкләр. Кадрлар үзәгенә мәшгульлек үзәге белгече белән очрашканнан соң эшсезлек буенча пособие алырга теләүчеләргә генә килергә кирәк. Исәпкә алу өчен гаризаны "Работа в России" порталы аша электрон рәвештә бирергә мөмкин. Моны мәшгульлек үзәге белгече белән очрашудан соң эшсез дип тану турында карар кабул итү өчен эшләргә кирәк.