Урыссу башлангыч мәктәбендә белем бирү учреждениеләре җитәкчеләре советы узды
Капиталь ремонттан соң эшләп килүче Урыссу поселогының беренче мәктәбе - хәзерге Урыссу башлангыч мәктәбе - район җитәкчелеге вәкилләре һәм районның мәгариф учреждениеләре директорлары алдында үз ишекләрен ачты.
Район башлыгы Аяз Шәфигуллин, район башкарма комитеты җитәкчесе Светлана Самонина, район башлыгының социаль мәсьәләләр буенча урынбасары Сергей Рузанов һәм мәгариф бүлеге начальнигы Сергей Абрамов җитәкчелегендәге делегация укучылар үзләренең белемнәрен һәм осталыкларын күрсәткән сыйныфларда булдылар. Мәктәпнең якты, уңайлы сыйныфлары һәм коридорлары буйлап узганда, район педагогик корпусы лидерларының зур сөйләшүендә катнашучылар кечкенә тәрбияләнүчеләрнең осталыкларын күреп тулысынча хозурландылар дип әйтергә була.
Советның теоретик өлеше игелекле конструктив юнәлештә үтте. Киңәшмәдә катнашучылар Урыссу башлангыч мәктәбе директоры Людмила Әхмәтҗанова һәм мәгариф бүлеге начальнигы Сергей Абрамов докладлары белән таныштылар. Район башлыгы А.Ә.Шәфигуллин, мәгариф системасының барлык аспектларын һәм юнәлешләрен җентекләп анализлап, гомумән алганда, мәгарифтәге күрсәткечләр начар түгел, дип ассызыклады. Район башкарма комитеты җитәкчесе С.П. САмонина да әлеге бәяне хуплады:
- Әлбәттә, хәл итәсе мәсьәләләр бар, - диде Светлана Петровна, - алардан башка мөмкин түгел. - Аларга без гыйнвар аенда әйләнеп кайтырбыз, ә әлегә елны яхшы гына тәмамладык дип әйтә алабыз. Барыгызны да якынлашып килүче Яңа ел белән, сезгә сәләтле тәрбияләнүчеләр һәм фикердәшләрнең бердәм коллективын телим.