Урыссу үзәк район хастаханәсе Яңа 2022 елны яхшы күрсәткечләр белән каршы алды

2022 елның 3 гыйнвары, дүшәмбе

Хастаханәнең актлар залына җыелган табиблар һәм өлкән шәфкать туташларын бәйрәм белән котлаган баш табиб Светлана Шакирова үзе җитәкли торган хезмәт коллективының 2021 елда үз алдына куйган бурычларны, асылда, пациентлар кабул итү, тирәнәйтелгән диспансеризация уздыру буенча планны тулаем үтәвен зур канәгатьлек хисе белән билгеләп үтте .
Чарада район башкарма комитеты җитәкчесе Светлана Самонина катнашты. Ютазы районы медицина хезмәткәрләрен Яңа ел һәм Раштуа бәйрәмнәре белән котлап, Кыш Бабай һәм Кар Кызы да килде.