Төзекләндерү турында ачыктан-ачык
Урыссу төзекләндерү һәм яшелләндерү предприятиесе 2008 елдан бирле эшли: бу төзекләндерү белән бәйле күп кенә мәсьәләләр буенча район мөстәкыйльлегенең башлангыч ноктасы булды. Без «Урыссу төзекләндерү һәм яшелләндерү предприятиесе» МУП директоры Илшат Камалдинов белән әңгәмә кордык.
– Арсеналда күпме берәмлек техника, предприятие эшчәнлеге нидән гыйбарәт булуы турында сөйләп узыгыз әле?
- Автомобиль юлларын ремонтлау һәм төзүдән тыш, предприятие шулай ук территорияне төзекләндерү һәм яшелләндерү өлкәсендә дә эшли. Кабатлап әйтик, "Урыссу төзекләндерү һәм яшелләндерү предприятиесе" муниципаль унитар предприятиесе 2008 елның декабрендә оештырылган иде. Предприятиенең җаваплылык зонасы зур – ул урамнарны төзекләндерү һәм яшелләндерү, зиратларны һәм урам челтәрләрен карап тоту, дренажлар һәм яңгыр сулары канализациясен ясау, урамнарны һәм юлларны яктырту буенча чаралар, ә 2015 елның гыйнварыннан Урыссу поселогы һәм тулаем райондагы юлларны һәм тротуарларны ремонтлау һәм карап тоту белән шөгыльләнә. Безнең компаниянең куәтләре бөтен юл-төзелеш эшләре комплексын теләсә нинди катлаулылыкта башкарырга мөмкинлек бирә, шуңа күрә «Төзекләндерү» МУП исәбендә - киң колачлы һәм техник яктан катлаулы проектлар. Предприятие гамәлдә булган чорда уңышлы һәм ышанычлы үсеш юлы узды. 2008 елда автотранспорт һәм махсус техника паркы ике берәмлек иде, хәзер автопарк 46 берәмлек техника белән тәэмин ителгән. Безнең компания арсеналында - асфальт катнаштыру җайланмасы, борт ташлары җитештерү цехы, асфальт җәйгеч, каток, экскаваторлар, автогидроподъемник, төягеч, үзбушаткычлар, юл - вакуум-себерү машинасы, өч автогрейдер .
- Бүген «Төзекләндерү» МУП генподрядчы да булып тора. Әйтик, узган җәйдә «Безнең ишегалды» масштаблы проектын гамәлгә ашырганда бу шулай булды. Мондый тәҗрибәнең катлаулылыгы нидә?
- Безнең предприятиенең генподряд эшләре тәҗрибәсе 2018 елдан бирле гамәлдә, ул вакытта без Главтатдортранс ДКУ белән автомобиль урау юлын төзү буенча эшләрнең икенче өлешенә дәүләт контракты төзедек. Шул вакыттан бирле асфальт-бетон япмалы юл-урам челтәрен ремонтлау һәм Ютазы районы торак пунктларында вак таш-ком юл челтәрен норматив хәлгә китерү буенча Урыссу төзекләндерү һәм яшелләндерү буенча предприятиесе генераль подрядчы буларак башкара.
Быел республикада ишегалларын төзекләндерү буенча киң колачлы программаны гамәлгә ашыру эшләре дәвам итте. Безнең предприятие район күп фатирлы йортларының 43 ишегалды территориясен тәртипкә китерде. Зур күләмле булуына карамастан, быел без барлык килешү йөкләмәләрен билгеләнгән вакыт эчендә үтәдек һәм эштә кыенлыклар тумады.
- Коллективта күпме кеше исәпләнә? Китүчеләр күзәтеләме? Әлбәттә инде, хезмәткәрләрнең мотивациясе - хезмәт хакы, премияләр, социаль гарантияләр тәртиптәме?
- Кадрлар барысын да хәл итә. Безнең барлык төзелеш объектларында уңышлы эшләү персоналның квалификациясенә бәйле. Предприятиедә үз эшенең чын осталары хезмәт куя, эшем дәвамында биредә мин бердәм профессионаллар командасы туплый алдым һәм аның потенциалы елдан-ел арта бара. Бүгенге көндә МУПта 80нән артык кеше эшли. Алар - тәҗрибәле белгечләр дә, яшьләр дә - лаеклы хезмәт хакы һәм тулы соцпакет алалар.
Тулырак мәгълүмат: http://yutazy.ru/news/obschestvo/o-blagoustroystve-nachistotu