Урыссудагы 2 санлы мәктәптә ата-аналар балалар туклануының сыйфатын тикшерде
Мәктәптә тәрбияләнүчеләрнең төшке ашны бик теләп ашавын күргәч, аларга ризык ошавын чамаларга була иде инде.
Шулай да аларның үзләренә сүз бирик әле.
Артур Мәҗитов, 4б сыйныфы укучысы:
- Миңа компотлар, боткалар, чәй, салатлар, ашлар, макарон ошый. Безнең пешекчеләр тәмле әзерли. Барысы да ошый.
- Урыссудагы 2 санлы мәктәпнең 2а сыйныфы укучысы Бәхтияр Фатыйхов, мәктәп ашханәсендә кишер һәм чөгендер салатларын, шулай ук сырлы бутербродларны өстен күрә.
Әлеге мәктәптә ата-аналарның даими рәвештә мәктәпкә килеп, балалары өчен ничек ризык әзерләүләре, аларның нинди ашларны күбрәк яратулары, ниндиләрен өстәлдәге күршесенә тәкъдим итүләрен тикшерүләре традициягә әверелгән. Шулай итеп, әлеге мәктәптә тәрбияләнүчеләрнең әти-
әниләре Земфира Фаздалова һәм Зилә Мизгирева пешекчеләр тарафыннан әзерләнгән «Дуслык» боткасыннан авыз иттеләр. Алар бертавыштан иң югары бәяне бирде. Дөрестән дә, ботка чама белән шикәрле, майлы, кыскасы, нинди булырга тиеш – шундый иде. Мизгирева, әйтик, мәктәптә ашауга сылтанып, аның баласы өйдә ашамавын сәбәп итеп килүен әйтте. Ярый алайса, ана белән нарасые арасындагы мөнәсәбәтләрдә аннан катлаулырак проблема булмасын.
Тулырак мәгълүмат: http://yutazy.ru/news/obschestvo/v-urussinskoy-shkole-2-roditeli-proveli-kontrol-kachestva-pitaniya-detey