Үзәк китапханәдә «Яңарыш» клуб берләшмәсе катнашында «Халык мәдәниятенең якты дөньясы» дип исемләнгән мәгълүмати-танып-белү сәгате үткәрелде
Россия халыкларының мәдәни мирас елы кысаларында Үзәк китапханәдә «Яңарыш» клуб берләшмәсе катнашында «Халык мәдәниятенең якты дөньясы» дип исемләнгән мәгълүмати-танып-белү сәгате үткәрелде.
Хезмәт күрсәтү бүлеге мөдире Гөлшат Ризванова «халык мәдәнияте» төшенчәсе турында кызыклы һәм аңлаешлы итеп сөйләде, халыкның көнкүреше, бәйрәмнәре, халык-гамәли иҗаты һәм мәдәни традицияләре белән таныштырды. Чарада катнашучылар «Халык традицияләре», «Ашыгыз тәмле булсын», «Дусларча ярдәм», «Туган тел» биремнәрен үтәделәр, «Йөзек» һәм «Түбәтәй» уеннарында катнаштылар. Чара ахырында «Гореф-гадәтләрнең тере чишмәсе» дигән китап күргәзмәсе белән таныштылар, анда халык фольклоры, рецептлар, халык һөнәрләре турында китаплар тәкъдим ителгән иде. Чарада актив катнашучылар кызыксындыру бүләкләре алдылар. Очрашу күңелле һәм эмоциональ узды.