Рөстәм Миңнеханов: төбәктә элегрәк кабул ителгән чикләүләр буенча таләпләр киметелә
Рөстәм Миңнеханов: төбәктә күмәк иммун системасы фактта формалаштырылуын исәпкә алып, моңа кадәр кабул ителгән чикләүләр буенча таләпләр кимү кертелә
Татарстанда берничә атна дәвамында ковид белән авыручылар саны артуны билгеләп үттеләр, зарарланучылар саны ике тапкырдан күбрәк арткан иде.
Шул ук вакытта соңгы берничә көн эчендә нормальләшүгә тенденция күзәтелә башлады, дип билгеләп үтте Рөстәм Миңнеханов ТР Министрлар Кабинеты утырышында.
"Тотрыклы коллектив иммунитетны формалаштыру өчен вакцинопрофилактиканы икенче компонент белән тәмамларга кирәк. Инде 1 млн 908 мең 523 кеше 2 нче вакцина белән прививка ясаткан.
Рөстәм Миңнеханов шулай ук республикада 1803 балага прививка ясалган, диде. Балигъ булмаганнарны вакцинопрофилактикалау ата-аналарның язма ризалыгы белән башкарыла, дип билгеләде ул.
Татарстан Президенты шулай ук Россия Сәламәтлек саклау министрлыгы боерыгын да укып ишеттерде. 2022 елның 21 февраленнән башлап халык кичерелгән авырулар буенча антитәнчекләр булуга анализ нәтиҗәләре буенча куар-код ала алачак (шуны билгеләп үтәргә кирәк, Россия Сәламәтлек саклау министрлыгы коронавирус йогышлы авыруына антитәнчекләр булуга анализ нәтиҗәләре буенча QR-кодлар бирергә рөхсәт итте. Барлык сәбәпләрне истә тотып, төбәктә күмәк иммун система формалаштырылуын исәпкә алып, моңа кадәр кабул ителгән чикләүләр буенча билгеле бер ташламалар кертелә (Татарстан Республикасы Министрлар Кабинетының 18.02.2002 ел, №136 карары).
"21 февральдән без барлык категория кешеләр, яшүсмерләр өчен ваклап сату, җәмәгать туклануы һәм транспорт объектларына керү, шулай ук төнге сәүдә, мунчалар һәм сауна хезмәтләре күрсәтү, кунакханәләрне йөкләү буенча чикләүләрне бетерәбез», - дип хәбәр итте ул.
Бер үк вакытта җәмәгать урыннарында һәм транспортта битлек кияргә, социаль дистанцияне саклау буенча таләпләр бөтенләй саклана.
Шулай ук әгәр алар вакцина ясатмаган һәм соңгы 6 айда авырмаган булса, 60+ яшьлек гражданнарның үзизоляцияләнүләре саклана. Кальяннар куллануны, төнге вакытта гомуми туклану хезмәтләре күрсәтүгә тыю калдырылды.