«Безнең туган җир!” дип исемләнгән асфальтта рәсем ясау бәйгесе

2013 елның 10 июне, дүшәмбе
 
    Район мәдәният йорты каршындагы мәйданда 50 якын катнашучы җыелган иде. Бәйгедә Урыссуның төрле мәктәпләреннән 7 яшьтән алып 11 яшькәчә балалар катнаштылар. Чара башланыр алдыннан бәйгене оештыручылар балалар белән Россия дәүләтенең символикасы турында әңгәмә уздырдылар. Балалар тиз арада, матур итеп җавап бирделәр, ә кулларында төрле төстәге меллар уйнап торды. Ярты сәгатьтән соң инде район мәдәният йорты мәйданы төрле төстәге меллардан күз явын алырлык итеп матурланды, асфальтта өч төсен балкытып Россия флагы пәйда булды. Кояш, болытлар, туган җир – бу әле балалар асфальтка төшергән сурәтләрнең кайберләре генә.
     Жюрига балаларның рәсемнәрен бәяләү авырга туры килде. Бер рәсем дә бер-берсен кабатламады һәм һәркемнең күңеленә хуш килде. Барлык катнашучылар да бүләкләнделәр. Бәйге тамам булды, ә карарга килүчеләр әле тагын бик озак балалар төшергән рәсемнәрне карадылар. Кайбер рәсемнәрдә кояш болыт арасыннан караса да, ул бит безнең барыбызга таба яктырта!
Р. Гәрәева “Балалар иҗат үзәге” методисты.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгатьләре
Телефон: 8 (85593) 2-42-15
Факс: 8 (85593) 2-80-13
E-Mail: adm_jutaza@mail.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International