Лотереяда отылган акча өчен һәм бүләкләр өчен физик затлар кеременә салым ничек салына?
Барыннан да ешрак салым органнары белгечләренә салым түләргә кирәкми торган отыш суммасы закон белән билгеләнгәнме, дигән сорау белән мөрәҗәгать итәләр.
Физик затлар тарафыннан һәр сумма буенча 15 мең сумга тигез һәм аннан артып киткән суммага табыш алганда, лотерея операторлары яки аны таратучылар һәм букмекер конторасында һәм тотализаторда уздырыла торган комарлы уеннарны оештыручылар салым агентлары дип таныла. Бу физик затлар кеременә салымны исәпләү һәм тотып калу бурычы нәкъ менә аларга йөкләнгән дигән сүз.
Әгәр отыш күрсәтелгән суммадан артмаса, гражданнар салымны мөстәкыйль түли. Нигезләр закон чыгаручы тарафыннан Россия Федерациясе Салым кодексының 228 статьясындагы 5 пунктында язылган.
Россия Федерациясе Салым Кодексының 217 статьясындагы 28 пункты нигезендә, дүрт мең сумнан артмаган табышка салым салынмый. Ягъни, әгәр призларның бәясе бу суммадан артмаса, НДФЛ түләргә туры килмәячәк һәм 3-НДФЛ формасы буенча декларация тапшырырга кирәкми.
Шулай итеп, 4000 сумнан артык һәм 15000 сумнан ким булган төрле табыш рәвешендә керемнәр алган салым түләүчеләр физик затлар кеременә салым буенча салым декларациясендәге керемнең суммасын мөстәкыйль чагылдырырга һәм 3-НДФЛ формасы буенча декларацияне 2022 елның 30 апреленнән дә соңга калмыйча тапшырырга тиеш. Быел ял һәм бәйрәм көннәрен исәпкә алып, соңгы вакыт 2022 елның 4 маена күчерелә. Физик затлар кеременә салымны 2022 елның 15 июленнән дә соңга калмыйча түләргә кирәк.