Ютазы районы мәктәпләренең сыйныф җитәкчеләре бик күп тырышлык куйды

2022 елның 11 марты, җомга

Сыйныф җитәкчеләре атналыгы кысаларында Ютазы районының барлык мәктәпләрендә укучылар өчен кызыклы чаралар уза.

Мәсәлән, Урыссу гимназиясендә бүген 5 Б сыйныф укучылары өчен "Сәламәтлек иленә юл" дигән темага уен-сәяхәт үткәрелде. Чөнки безнең заманда төп кыйммәт - сәламәтлек. Чарада сәламәт яшәү рәвеше принципларын билгеләделәр, "Файдалы-зарарлы" уены үткәрделәр.

Ә узган ял көннәрендә башлангыч мәктәпнең 3 А сыйныфында «Кем акыллырак, җитезрәк, тапкыррак – кызлармы яки малайлармы?” - дип аталган чара уздырылды.  Бу 8 Мартка һәм Ватанны саклаучылар көненә багышланган чара булды.

Барлык мәктәпләрдә дә төрле кызыклы чаралар үткәрелде. Педагоглар бик күп тырышлык куйды!

http://yutazy.ru/