Безнең чаңгычылар янә үзләре турында белдерде

2022 елның 14 марты, дүшәмбе

“Октябрьский марафон “ - 12 март көнне шундый исем астында чаңгы ярышлары узды, анда безнең чаңгычылар район данын намус белән якладылар.

Чаңгычы  ир-егетләр җилдән җитез тизлек белән  ирекле стильдә  33 километр араны узды, хатын-кызлар - 22 километр юлны. Ярыш нәтиҗәләре буенча ир-егетләр арасында Илмир Латыйпов беренче урынны алды, хатын-кызлар арасында Лилия Габитова икенче урынга лаек булды. Шулай итеп, Ютазы чаңгычылары районның спорт казанышлары тартмасын алтын һәм көмеш медальләр белән тулыландырды.

Роза Әхмәдиева