24 март - Бөтендөнья туберкулезга каршы көрәш көне
Ел саен 24 мартта Бөтендөнья сәламәтлек саклау оешмасы инициативасы белән Бөтендөнья туберкулезга каршы көрәш көне үткәрелә, аның максаты - җәмгыятьнең игътибарын туберкулез проблемаларына җәлеп итү һәм халыкның авыру турында хәбәрдарлыгын арттыру һәм аны профилактикалау чаралары.
2022 елда Бөтендөнья туберкулезга каршы көрәш көне «Туберкулезга каршы көрәш өчен ресурсларны мобилизациялибез. Гомерләрне саклап калыйк!» шигаре астында уза.
Бөтенроссия сәламәтлек саклау оешмасы стратегиясенең төп максаты булып 2030 елга дөньяда туберкулезны бетерү тора. Көн саен дөньяда киң таралган йогышлы чирдән дүрт мең кеше үлә.
Бөтендөнья сәламәтлек саклау оешмасы билгеләвенчә, Россия туберкулезның иң авыр йөкләнеше булган 30 ил арасына керә, туберкулез белән авыруның яңа очраклары - 64% ы Һиндстан, Индонезия, Кытай, Нигерия, Пакыстан, Филиппин һәм Көньяк Африка халкы арасында ачыклана.
Бөтендөнья сәламәтлек саклау оешмасы бәяләвенчә, ел саен дөньяда 10 миллионнан артык кеше туберкулез белән авырый, шуларның 1 млн.ы – 14 яшькә кадәрге балалар. Бу чирдән 1,5 миллионнан артык кеше үлгән. Туберкулез элеккечә үк дөньяда үлемнең төп 10 сәбәбе арасына керә.
Татарстан Республикасында 2021 елда 912 туберкулез белән авыручы кабат ачыкланган, авыру 2020 ел дәрәҗәсендә калган (100 мең кешегә 23,4).
Татарстан Республикасында туберкулез белән авыручылар санының дәрәҗәсе федератив күрсәткечтән (РФ-28,76) һәм Идел буе федераль округы (ИФО) күрсәткеченнән (27,89) 1,2 тапкырга кимрәк.
Республиканың 13 муниципаль районында туберкулез белән авыручылар саны республика күрсәткеченнән 1,2 тапкыр югары (Әтнә, Баулы, Чүпрәле, Алабуга, Яшел Үзән, Кама Тамагы, Лаеш, Менделеевск, Яңа Чишмә, Нурлат, Сарман, Спас, Тәтеш районнары). Кайбыч районында туберкулез белән авыручылар саны республика күрсәткеченнән 2,9 тапкыр югары. Саба районында 2021 елда туберкулез белән авыручылар саны ачыкланмаган.
Туберкулез белән балалар авыру очраклары Әлмәт, Баулы, Бөгелмә, Чүпрәле, Алабуга, Яшел Үзән, Лаеш, Норлат, Питрәч, Тәтеш, Түбән Кама районнарында һәм Казан, Яр Чаллы шәһәрләрендә теркәлгән.