Фанфаралар –торак-коммуналь хуҗалык хезмәткәрләре хөрмәтенә
Район мәдәният йортында көнкүреш хезмәте күрсәтү һәм торак-коммуналь хуҗалык хезмәткәрләренең һөнәри бәйрәменә багышланган тантаналы чара узды.
Сәхнәдән тантана сәбәпчеләре – торак пунктлардагы чисталык һәм тәртипне тәэмин итү, су, электр, газ белән өзлексез тәэмин итүне күздә тоткан оешма-предприятиеләрнең хезмәт коллективлары адресына иң изге теләкләр яңгырады.
- Читтән килгән кунаклар һәм ютазылыларның үзләре ягыннан безнең районның төзеклегенә мактау, гадәттә, район җитәкчелеге адресына яңгырый, бу, әлбәттә, күңелле, - дип билгеләп үтте Аяз Шәфигуллин. - Әмма чисталык һәм тәртип, яшел урамнар артында - тиешле оешмалар һәм предприятиеләрнең тырыш хезмәте. Торак-коммуналь хуҗалык хезмәткәрләренең оешканлыгына һәм һөнәри осталыгына тиешле бәя бирергә кирәк. Кагыйдә буларак, кешеләр эшкә киткәнче үк, коммуналчылар инде эштә. Без, яшәүчеләр, моны лаеклы бәялибез.
Аяз Шәфигуллин торак-коммуналь хуҗалык хезмәте күрсәтү өлкәсендә иң яхшыларга мактау грамоталары тапшырды. Котлауларга район башкарма комитеты җитәкчесе Светлана Самонина да кушылды, ул шулай ук үз эшләренең һөнәрманнарына рәхмәт сүзләрен җиткерде.