Хөрмәтле Ютазы районы мәдәният өлкәсе хезмәткәрләре, тармак ветераннары!
Сезне һөнәри бәйрәмегез - мәдәният хезмәткәрләре көне белән котлыйм!
Сезнең нәтиҗәле һәм кирәкле хезмәтегез, даими иҗади эзләнүегез, районыбызның мәдәни традицияләрен алга таба да сакларга һәм үстерергә әзерлегегез өчен ихлас рәхмәт сүзләрен кабул итегез.
Сез – иҗади һәм шат күңелле, энергияле һәм кабатланмас, үз эшегезгә чиксез бирелгән кешеләр. Сезнең хезмәтегез бәяләп бетергесез, сез һәрвакыт күз алдында: кешеләргә бәйрәм оештырасыз, район халкына милли мәдәниятнең чын чыганагына якынаерга, анда иң кыйммәтле нәрсәләрне күрергә ярдәм итәсез. Бәйрәм көннәре - ул сезнең эш көннәре.
Көндәлек тырыш хезмәтегез һәм камиллеккә омтылуыгыз өчен чын күңелдән рәхмәт белдерәм.
Сезгә сәламәтлек, бәхет, оптимизм һәм яңа иҗади җиңүләр телим!
Ютазы муниципаль районы башлыгы Аяз Шәфигуллин