Мәдәният хезмәткәрләрен һөнәри бәйрәмнәре белән котладылар
Район мәдәният йортында мәдәният хезмәткәрләре көненә багышланган концерт булып узды.
Безнең өчен Азнакай шәһәре мәдәният сарае артистлары концерт куйды. Безнең район мәдәният йорты хезмәткәрләре үзләренең һөнәри бәйрәмнәрендә тамашачылар булды һәм чакырылган артистларның чыгышларыннан бик канәгать калдылар. Үз чиратларында, 31 мартта, алар Азнакайда хезмәттәшләре өчен шундый ук концерт бирәчәк.
Район башлыгы Аяз Шәфигуллин барлык мәдәният хезмәткәрләре адресына җылы рәхмәт сүзләрен һәм бәйрәм белән котлауларын җиткерде, аңа башкарма комитет җитәкчесе Светлана Самонина һәм район башкарма комитеты җитәкчесе урынбасары Сергей Рузанов, район мәдәният йорты директоры Рөстәм Абдурахманов та кушылды. Иң лаеклы мәдәният хезмәткәрләре мактау грамоталары, дипломнар һәм медальләр белән бүләкләнде.
Азнакайлылар безне кызыклы концерт номерлары, искиткеч костюмнары һәм талантлы чыгышлары белән сокландырды.
http://yutazy.ru/