Электрон машина укый ала торган ышанычнамә һәм аның өстенлекләре
2021 елның 22 августында Россия Федераль салым хезмәтенең 30.04.20021 ел, № ЕД-7-26/445 боерыгы үз көченә керде.
445 номерлы боерык , 23.11.2020 ел, № 374-ФЗ Федераль закон нигезләмәләрен гамәлгә ашыру максатларында, салым түләүченең вәкаләтле вәкиле ышаныч кәгазе нигезендә, ышанычының электрон имзасы белән имзаланган электрон документ рәвешендә үз вәкаләтләрен башкара алуы турында кабул ителде.
Машина укый ала торган ышанычнамәнең үзенчәлеге һәм өстенлекләре шунда ки, ул бер, берничә, шулай ук Россия Федерациясенең барлык салым органнарына карата рәсмиләштерелә ала. Моның өчен электрон ышанычнамәгә ике кыр кертелгән:
- «Электрон формада төзелгән ышаныч кәгазе тапшырыла торган салым органы коды»;
- "Аңа карата ышаныч кәгазе гамәлдә булган салым органы коды ».
Россия Федерациясенең барлык салым органнарына карата ышанычнамәне рәсмиләштергәндә, “Ышаныч кәгазе гамәлдә булган салым органы коды “ кыры тутырылмый.
Ышанычнамә салым органына ышаныччының электрон имзасы белән электрон документ әйләнеше башланганчы җибәрелә.
Күрсәтелгән ышанычнамә Россия Федераль салым хезмәтенең 16.07.2020 ел, № ЕД-7-2/448 боерыгы белән расланган тәртиптә электрон документ формасында ышаныч кәгазе бирелгән салым органына җибәрелә торган гариза буенча (КНД 1110311) кире алынырга мөмкин.
Бер үк вакытта шуны исегезгә төшерәбез, юридик затлар һәм шәхси эшмәкәрләр өчен машина укый ала торган ышанычнамәне куллануның ирекле тәртибе 2022 елның 31 декабренә кадәр гамәлдә.