Район җитәкчелеге квоталарга үзгәрешләр кертте
Район башкарма комитетында кышкы маршрут учетына, кыргый хайваннарны котыру авыруын профилактикалауга нигезләнгән квоталар буенча беренчел материаллар буенча җәмәгатьчелек фикер алышуы булып узды.
Җәмәгать тыңлауларында район башкарма комитеты җитәкчесе Светлана Самонина, Татарстан Республикасының Биологик ресурслар буенча дәүләт комитетының беренче категорияле белгече Тимур Гыйниятуллин һәм башкалар катнашты. Район территориясендә аучылык байлыкларына ау лимиты турында мәгълүмат белән хайваннар, үсемлекләр дөньясы һәм аеруча саклана торган табигать территорияләре өлкәсендә дәүләт күзәтчелеге бүлеге башлыгы Шамил Гыйниатуллин таныштырды. Бөтен ил буенча, Татарстан, район территориясендә, шул исәптән аучылык байлыкларын аулау лимиты бар. Әлеге лимит кысаларында муниципаль берәмлекләрдә аучылык биләмәләре өчен ау квоталары билгеләнә. Башка сүзләр белән әйткәндә, ау өчен квоталар, әйтик, пошига, бурсыкка, кыр кәҗәсенә җибәрелә. Тыңлаулар барышында шулай ук кабаннарны һәм төлкеләрне аулау турында да сүз барды. Йогышлы авырулар (африка чумасы, котыру авыруы) таралуга юл куймас өчен, бу хайваннарның саны арту контрольсез булырга тиеш түгел. Бу хакта ачык тыңлаулар барышында сүз барды.
Ахырда Ютазы аучылары һәм җәмәгатьчеләр поши аулауга билгеләнгән квоталарга каршы тавыш бирделәр. Алар бу як хайваннарына ау интенсивлыгы аларның популяциясе кимүгә китерергә мөмкин, дип борчылалар.