Сәламәтлек артыннан күңелле стартларга

"Күңелле стартлар" бәйгесен уздыру урыны быел балалар иҗат үзәге укытучылары инициативасы белән икенче урында уздырылды.Мәктәп яны лагерына йөрүчеләр өчен ярышлар Ык елгасы буенда узды. Кояшлы көн һәм күңел күтәренкелеге - балаларны күңел күтәренкелеге генә түгел, ә бәйгеләрдә җиңү яуларга да этәрде. "Күңелле стартларга" командалар ныклап әзерләнделәр: катнашучыларны сайладылар, девиз һәм эмблемалар уйлап чыгардылар. Һәр командада 12 кеше иде. "Күңелле стартлар"да катнашкан барлык балаларның саны 56 кеше иде. "Күңелле стартлар" программасына традицион уен төрләре керә: капчыкта сикерү, "кенгуру" эстафетасы, "тоннель", "ат чабышлары", бу - балаларның җитезлеген, тизлеген, көчен күрсәтә иде. Уен этаплары тиз арада үзгәреп тордылар, ә команда катнашучылары һәм җанатарлар бер-берсенә көч биреп тордылар. монда барысы да бар иде: дусларча җилкәгә кагу да, сызгырулар, кычкырулар һәм истәлеккә фотога төшү дә. Бәйге йомгагы булып җиңүчеләрне котлау торды. Аларга грамоталар һәм истәлекле бүләкләр тапшырылды.