Урыссу гимназиясендә - «Дуслык әйлән-бәйләне» район конкурсы
Районның 14 мәктәбенең башлангыч сыйныф укучылары арасында үткәрелгән бәйгенең икенче этабы беренче «аккордлар» дан ук яшь талантларның осталыгын күрсәтте.
Менә алар матур киемнәрдә сәхнәгә үзләрен күрсәтергә чыктылар. Ә алар татар телендә ничек матур итеп сөйлиләр,балалардан олыларга өйрәнергә кирәк! Хәер, алар моңа өлкәннәр – педагоглар, ата-аналар, әби-бабайларыннан өйрәнгән дә инде. Әйе, балаларның сәләтләре бар. Алар үзләрен дә күрсәтә, мәктәп данын да яклый белә. Компетентлы жюрига үзләренә йөкләнгән йөкләмәләрне үтәү – иң яхшыларын билгеләү катлаулы булачак. Исегезгә төшерәбез, әлеге масштаблы чара татар халык шагыйре Габдулла Тукайның туган көне, шулай ук Россия халыкларының халык сәнгате һәм матди булмаган мәдәни мирас елы кысаларында оештырылды. Үз чыгышларында балалар гасырлар тирәнлегеннән килгән гореф-гадәтләрне тулы күләмдә күрсәтә алдылар. Артистлар үз образларына шулай гармонияле кереп, сүзнең мәгънәсен аңлый башлыйсың: гореф-гадәтләр – ул көл өеменә табыну түгел, гореф-гадәтләр – йөрәк ялкынын буыннан буынга тапшыру.
Конкурс нәтиҗәләре турында соңрак белерсез.