Ел саен 28 апрельдә ашыгыч медицина ярдәме хезмәткәрләре көне билгеләп үтелә
Урыссу үзәк район хастаханәсенең ашыгыч медицина ярдәме Ютазы районында бөтен медицина оешмасының алыштыргысыз тармагы булып тора. Фельдшер бригадалары көн саен авыр хәлдә калган кешеләргә ашыгыч медицина ярдәме күрсәтү өчен юлга чыгалар. Маршрут кәгазе буенча пациентларны Бөгелмә, Лениногорск, Казан, Әлмәт, Яр Чаллы шәһәрләренең һәм Актүбә бистәсенең медучреждениеләренә илтәләр.
Бүген Урыссу үзәк район хастаханәсенең ашыгыч медицина ярдәме бүлегендә 17 кеше эшли, шуларның берсе - табиб, 10 фельдшер, 8 машина йөртүче. Һәр сменада ике бригада эшли, резервта - өченче бригада.
- 2021 елда безнең хезмәт «Ашыгыч ярдәм» АСУ программасы белән тәэмин ителде. Ул теләсә кайсы масштабтагы ашыгыч медицина ярдәме бүлекләре эшен автоматлаштыру өчен билгеләнгән, - диде ашыгыч медицина ярдәме бүлегенең өлкән фельдшеры Миләүшә Харисова.
Хәзерге вакытта ашыгыч медицина ярдәме карамагында өч санитар автомашина бар, алар ашыгыч медицина ярдәмен күрсәтү һәм интенсив терапия өчен кирәкле медицина җиһазларының һәм инвентарьларының тулы җыелмасы, шулай ук ГЛОНАСС/GPS санитар автотранспортының спутник мониторингы системасы белән җиһазландырылган.