Үзәк китапханә Үзәк балалар китапханәсе белән берлектә " Җиңү маршруты» дип исемләнгән уен үткәрделәр
Һәр кеше үз хәтердә билгеле бер мизгелләрне, аның бөтен язмышында бик мөһим һәм кыйммәтле әйберләрне саклый. Бөек Ватан сугышы - бөтен халкыбыз язмышында үзенчәлекле, куркыныч чор. Һәм безнең бурыч - бу вакыйгалар турында истәлекләрне саклап калу һәм үз белемнәребезне, Ватанга булган мәхәббәтебезне үсеп килүче буынга тапшыру.
6 май көнне Үзәк китапханә, үзәк балалар китапханәсе белән берлектә, «Пушкин картасы» проекты кысаларында Җиңү маршруты» дип исемләнгән уен үткәрделәр. Балалар алты биеклек уздылар: сугышчан разведка үткәрделәр, хронология билгеләделәр һәм «Бөек сугышлар»ны исләренә төшерделәр. «Герой-шәһәрләр» биеклеген узган вакытта белемнәрен генә түгел, ә игътибарлылыкларын да тикшерделәр, картага герой-шәһәрләрнең исемнәрен яздылар, привалда җырларның исемнәрен таптылар. Уенда катнашучылар катлаулы сораулар һәм гадәти булмаган биремнәрдән курыкмадылар. Уен ахырында малайлар һәм кызлар кызыксындыру бүләкләре белән бүләкләнделәр.