Кичә район мәдәният йорты артистлары бик нык тырышлык куйдылар! Көн буе алар Бөек Ватан сугышында Җиңүнең 77 еллыгына багышланган бәйрәм чараларында катнаштылар.
Район мәдәният йортының иҗат коллективы Химиклар тыкрыгы һәм Горький урамы буенча урнашкан ишегалды мәйданчыкларында булды, анда аларны җирле халык шатланып каршы алды.
Акциянең сценарие сугыш еллары концертларына охшаган иде.
Алар сугыш елларындагы барысы да яраткан "Катюша", "Смуглянка", "Эх, путь дорожка фронтовая", "День Победы", "Тальяночка" җырларын башкардылар, тамашачыларга уңай һәм бәйрәм кәефе бүләк иттеләр.