Әйләнә - тирәлеккә сак караш - ул тормыш нормасы
12 майда билгеләп үтелүче Экологик белем бирү көне кысаларында район мәдәният йортында «Бердәм Россия» партиясенең җирле бүлекчәсе ярдәме белән Үзәк китапханә оештырган чара узды. Эшлекле интерактив уен форматында Казаннан килгән белгечләр эко-дәрес үткәрделәр. Алар Татарстанның көнчыгыш зонасында каты коммуналь калдыклар белән эш итү буенча «Гринта» региональ операторы вәкилләре булып торалар.
Чарада Урыссудагы 2 санлы мәктәпнең 7 сыйныф укучылары катнашты.
Эшлекле уен кызыклы килеп чыкты һәм танып белүне арттыра торган булды. Уен барышында, «Гринты» хезмәткәрләре, балалар белән берлектә, ашыгыч киңәшмә үткәрделәр, аның көн тәртибендә «Көнкүреш калдыкларын ничек киметергә?» дигән сорау иде. Киңәшмә барышында тикшеренү үткәрелде, идеяләр җыелды һәм планетаны чүп-чардан коткару эшендә ярдәм итәргә әзер булган һәркем өчен эш планы төзелде. Укучылар дөньякүләм проблеманы чишүнең берничә ысулын тәкъдим иттеләр.