Балалар иҗат үзәге базасында "Гаилә юл хәрәкәте иминлеге өчен" район гаилә конкурсы узды

2022 елның 14 мае, шимбә

Юл-транспорт һәлакәтләрен кисәтү, ата-аналарны юл хәрәкәте кагыйдәләренә өйрәтүдә катнашуга җәлеп итү максатыннан һәм Халыкара гаилә көне уңаеннан, 13 майда Балалар иҗат үзәгендә "Гаилә - юл хәрәкәте иминлеге өчен" дигән район гаилә конкурсы булып узды.

Быел ярышларда гаилә командалары – Ютазы районының төрле мәктәпләреннән вәкилләр катнашты.

Чарада мәртәбәле кунаклар сыйфатында мәгариф бүлеге начальнигы Сергей Абрамов, юл хәрәкәте куркынычсызлыгы дәүләт бюджет учреждениесенең бүлек начальнигы Рәзидә Игнатьева катнашты.

Сынау нәтиҗәләре буенча Урыссу гимназиясеннән Никитиннар гаиләсе җиңүче булды.

Җиңүчеләр һәм призерлар истәлекле бүләкләр алдылар.

Әмма иң мөһиме – бу гаилә белән бергә үткәрелгән вакыт.