Балалар сәнгать мәктәбе педагогы Оксана Җәләева тәмамланучы уку елына йомгак ясады
«Сударушка» рус җыры үрнәк ансамбле җитәкчесе, балалар сәнгать мәктәбе укытучысы Оксана Җәләева Казан шәһәрендә узган "Балачак" Халыкара вокаль конкурсында катнашудан алган тәэсирләре белән уртаклашты.
- Менә Урыссу балалар сәнгать мәктәбендә тәрбияләнүчеләр өчен тагын бер уку елы ахырына якынлаша. Ул бай эчтәлекле, нәтиҗәле һәм уңышлы булды, дип кыю рәвештә әйтергә була, чөнки безнең укучылар һәм фольклор, фортепиано һәм халык бүлекләре укытучылары бик яхшы эшләделәр! Төрле дәрәҗәдәге конкурсларда безнең яшь баянчылар, пианистлар, гитарачылар, «Мизгел», «Сударушка» ансамбльләре һәм аларның талантлы солистлары бик матур чыгыш ясадылар. Һәм менә иҗат сезоны ахырына безнең тәрбияләнүчеләрнең тагын бер кызыклы сәяхәте булды. Чыгышларның видеоязмалары буенча читтән торып үткәрелгән этапны уңышлы үтеп, «Сударушка» рус җырының үрнәк ансамбле, солистлары Глухова Маргарита һәм Мәрданова Лилиана 13-15 май көннәрендә республикабыз башкаласы Казан шәһәрендә узган «Балачак» II Халыкара вокаль конкурс - фестиваленең финалына чакырылдылар. Әлеге фестивальнең үзенчәлеге шунда: «Игелек янәшәдә» хәйрия фонды, «Туган авылым» Милли комплексы һәм Бөтендөнья татар конгрессы ярдәме белән, проектны оештыра. 2022 елда фестиваль Россия Федерациясе Президенты грантын кулланып гамәлгә ашырылды. Мәртәбәле жюрига Россиянең төрле төбәкләреннән килгән 600 дән артык гариза каралды. Финалга 154 вокалчы, 33 вокал ансамбле, шулай ук сәламәтлекләре чикләнгән балалар өчен «Игелек янәшәдә» номинациясендә 42 катнашучы кертелгән иде. Фестиваль «Әкият»Татар дәүләт курчак театрында узды.