Татарстан Республикасы Президенты Р. Н. Миңнеханов тарафыннан авыл халкына орлыкларны һәм үсентеләрне түләүсез тапшыру турында карар кабул ителде

2022 елның 20 мае, җомга

Узган елдагы кебек үк, 2022 елда Татарстан Республикасы Президенты Р. Н. Миңнеханов тарафыннан авыл халкына орлыкларны һәм үсентеләрне, нигездә, пенсионерларга һәм эшкә сәләтсез дип рәсмиләштерелгән затларга  түләүсез тапшыру турында карар кабул ителде. Элегрәк бирелгән яшелчә культуралары орлыкларына өстәп, авыл халкына кәбестә үсентеләре бүлеп бирелгән.

Программаның төп бурычы - авыл халкына орлыкларны һәм үсентеләрне түләүсез тапшыру,бу катлаулы икътисади вәзгыять шартларында авыл кешеләренең үзмәшгульлеген тәэмин итү һәм республиканың азык-төлек куркынычсызлыгын тәэмин итәргә мөмкинлек бирә.