Архив хезмәте яңартылган бинада урнашачак
Безнең районга эш визиты белән Татарстан Республикасының Архив эше буенча Дәүләт комитеты рәисе Гөлнара Габдрахманова килде.
Аның максаты - анда район башкарма комитетының архив бүлеге урнаштыру планлаштырылган Муса Җәлил урамындагы буш биналарның берсендә ремонт эшләре барышы белән танышу иде. Исегезгә төшерәбез, архив материалын саклау билгеле бер таләпләрне күздә тота – һава температурасы, бинаның дымлылыгы тиешле нормативларга туры килергә тиеш. Чөнки район архивы – туган як, аның кешеләре елъязмасы. Бу документлар, әйтергә кирәк, гасырлар дәвамында сакланырга тиеш.
Район башлыгы Аяз Шәфигуллин, район башкарма комитеты җитәкчесе Светлана Самонина һәм архив бүлеге начальнигы Лилия Гәрәева белән берлектә Гөлнара Габдрахманова бина бүлмәләрен карап йөрде, документларны урнаштыру һәм ремонтның нәкъ менә архивка туры килү-килмәвенә кагылышлы сораулар бирде. Комитет рәисе ремонт эшләренең барышыннан канәгать калуын белдерде һәм объектны җитәкләүче төзүчеләргә һәм җитәкчеләргә файдалануга тапшыруның оптималь срокларына сыешуын теләде.
Исегезгә төшерәбез, архив бүлегендә 1939 елдан бирле документлар саклана.