Урыссу бистәсендә велосипед эстафетасы старт алды
Бөек Җиңүнең 77 еллыгына багышланган велоузышта учреждение, оешма хезмәткәрләре һәм белем бирү учреждениеләре укучылары катнашты.
Әлеге спорт чарасын совет гаскәрләренең Бөек Ватан сугышында җиңүенә 77 ел тулу уңаеннан оештыру аңа тиешле тон бирә. Бу - хәзерге буынга фашизмга каршы көрәштә ватандашларыбыз куйган кыйммәт турында искәртү. Әгәр дөнья җәмәгатьчелеге хәтерен җуя башлаган икән, безнең, россиялеләрнең исә, “көрән чума” һәм аның нәтиҗәләре турында онытырга әхлакый хакыбыз юк.
Шулай итеп, велосипедчылар Урыссу поселогының «Янарыш» паркыннан старт алды. Автоюл буенча юлның кечкенә генә участогын узгач, аларга сулга борылырга, яңадан микрорайонга керергә һәм финиш сызыгына, ягъни старт урынына кайтырга кирәк булды. Финишка килеп җиткән велосипедчы эстафетаны команданың киләсе катнашучысына тапшырды. Гомумән алганда, ярышчылар 2,5 километр юл үтте. Бу узыш – беренчеләр дә, артта калучылар да булмаган урында таптану түгел иде. Велосипед эстафетасы – ярышлар булды.
Ярыш нәтиҗәләре буенча урыннар түбәндәгечә бүленде: беренче урынны Әбсәләм авыл җирлеге һәм «Олимп» спорт мәктәбе алды, икенче урында - Иске Урыссу авыл җирлеге һәм «Уруссу – Водоканал» ҖЧҖ командалары, өченче урынны район башкарма комитеты командасы яулады. Җиңүчеләргә грамоталар һәм медальләр тапшырылды.