Район волейболчылары чын уен күрсәттеләр

2022 елның 6 июне, дүшәмбе

«Олимп» спорт комплексында Россия көненә багышланган волейбол турниры узды.

Уенда районның 8 катнаш командасы - «Ютазы», «Гимназия», «Димтамак», «Урыссу җыелма командасы», «Яшьләр», «Бәйрәкә», «Хастаханә», ”Уруссинка” командалары катнашты.  Командалар составы төрле иде - укучылардан алып эшче яшьләргә кадәр.

Ярышлар бик көчле һәм кызыклы булды. Чөнки һәр команда җиңүгә омтылыш белән уйнады! Спорт залында спорт көрәше атмосферасы хөкем сөрде, уен җанлы һәм эмоциональ барды - туп куәтле бәрүләрдән һәм көчле блоклардан очты. Ярыш нәтиҗәләре буенча иң яхшы нәтиҗәләр күрсәттеләр:

1 урында - "Урыссу җыелма командасы";

2 урында  - "Бәйрәкә";

3 урында  - "Димтамак".

Турнирның баш хөкемдары Газинур Гәрәев җиңүчеләргә грамоталар һәм медальләр тапшырды.