Ютазы районының яшь футболчылары яхшы нәтиҗәләр күрсәтте

2022 елның 14 июне, сишәмбе

"Буцифал" футбол академиясе өч составта (Урыссу, Әлмәт, Ютазы) 11-12 июньдә Самарада узган 2022 елгы чемпионнар Кубогы Бөтенроссия турнирында катнашты.

Урыссуның "Буцифал" командасы 2012-2013 елгы малайлар арасында алтын лигада 3 урынны яулады, тренеры - Смоленцев Глеб Юрьевич. Ютазы Буцифалы (бу команда 4 ай гына шөгыльләнә әле) тренеры  Шәрәфетдинов Вадим Руслан улы көмеш лигада 2 урынны яулады. Әлмәтнең Буцифалы -көмеш лигада 3 урын.

Бөтен Россиядән барлыгы 74 команда катнашты.

Лаеклы нәтиҗәләр, афәрин яшь футболчылар !!!