1941 елның 22 июне – иң кайгылы көннәрнең берсе
Бу Бөек Ватан сугышы башланган көн. Бу көнне без яу кырында һәлак булган сугышчыларны, фашист лагерьларында җәфа чигүчеләрне, ачлыктан һәлак булучыларны искә алабыз.
Без Ватаныбызны дошманнан саклап, үз бурычларын үтәгәндә һәлак булган барлык кешеләр өчен кайгырабыз. Бу көнне Россиядә бу дәһшәтле сугышны ачынып искә алалар. Кешеләр һәлак булганнар истәлегенә шәмнәр кабыза, һәйкәлләргә һәм мемориалларга чәчәкләр сала.
Ютазы урта мәктәбендә "Непоседы" мәктәп яны лагере балалары белән Бөек Ватан сугышы башлануга багышланган Хәтер һәм кайгы көне үткәрелде. Бу көнне «Беркем дә онытылмады, бернәрсә дә онытылмады» дип исемләнгән чара уздырылды, балаларга «Бөек Ватан сугышы» дигән презентация күрсәтелде, балаларга фашист гаскәрләренең сугыш игълан итмичә һөҗүм итүе, озын һәм авыр сугыш еллары турында сөйләделәр. Һәлак булганнарны бер минут тынлык белән искә алдылар. Без һәрвакыт бу кайгылы һәм куркыныч вакыйгаларны истә тотачакбыз. Геройларыбыз истәлеген саклап калу һәм ныгыту безнең бурычыбыз!