«Куркынычсызлык җәе» - юл йөрү кагыйдәләре буенча күңел ачу
Юл хәрәкәте кагыйдәләренә багышланган чаралар мәктәпкәчә белем бирү учреждениеләрендә һәрвакыт актуаль. Башкача булуы да мөмкин түгел!
Чөнки мондый мөһимлекне тормыш үзе таләп итә. Урамнар һәм юллар безнең балалар өчен куркынычсыз булсын өчен ниләр эшләргә кирәк? Әлбәттә, төрле формаларда чаралар үткәреп, аларга юл йөрү кагыйдәләре, юл билгеләре турында сөйләү мөһим. Һәр бала гадәти әңгәмәдә генә түгел, ә балаларга якын булган юл әкиятендә, викторинада, уенда бирелгән юл йөрү кагыйдәләрен тизрәк аңлый һәм үзләштерә. Шулай ук балаларга хәрәкәт куркынычсызлыгына багышланган уеннарның, эстафеталарның хәрәкәт формалары бик якын. Биредә бала юл йөрү кагыйдәләрен яхшы хәтерләтеп һәм үзләштереп кенә калмыйча, кайда һәм кайчан куркынычсыз һәм күңелле уйнарга мөмкин икәнлеген дә аңлый.
Урыссуның 4 нче балалар бакчасында юл йөрү кагыйдәләре буенча «Куркынычсызлык җәе» дип аталган җәйге күңел ачу чарасы узды
Чараның максаты - төрле практик ситуацияләрдә юл хәрәкәте кагыйдәләрен куллану күнекмәләрен ныгыту; юлда үзеңне дөрес тота белү.
Балалар янына “Юл коточкычы дигән герой килде, ул балаларга юлда үз-үзеңне тоту кагыйдәләрен искә алырга комачаулады. Тәрбияләнүчеләр геройны җиңде һәм аны юл хәрәкәте кагыйдәләренә өйрәттеләр. Балалар уен формасында юл йөрү кагыйдәләре, юл билгеләре турында белемнәрен ныгыттылар, җәяүлеләр дә, пассажирлар да, шоферлар да булдылар. Чара ахырында «Юл хәрәкәте иминлеге» дәүләт бюджет учреждениесенең Баулы районы һәм Әлмәт шәһәре территориаль идарәсенең профилактика бүлеге начальнигы Игнатьева Рәзидә Илсур кызы барлык катнашучыларга истәлекле бүләкләр тапшырды һәм рәхмәт сүзләре җиткерде.