Ютазылылар каһарман якташларын соңгы юлга озатты
Ютазы районында Украинада махсус операция барышында батырларча һәлак булган гвардия капитаны Илдар Сәйфуллин җирләнде.
Бүген Урыссу поселогында Ютазы районында туган, Украинада хәрби махсус операция барышында батырларча һәлак булган Илдар Илдус улы Сәйфуллин җирләнде.
Хушлашу мәрхүмнең туган йорты янында Коръән уку белән башланып китте.
Тантана "Сугышчы - интернационалистларны искә алу" скверы территориясендә дәвам итте, анда һәлак булган офицерны искә алу һәм матәм көненә багышланган җеназа булды. Геройны соңгы юлга озатырга өч йөздән артык кеше җыелды.
Ютазы районы башлыгы Аяз Шәфигуллин туганнарының һәм якыннарының кайгысын уртаклашып, түбәндәгеләрне әйтте:
- 2022 елның 30 июнендә Харьковск өлкәсенең Изюм районы Червонный Шахтер торак пункты янында махсус хәрби операция барышында бурычларны үтәгәндә якташыбыз-гвардия капитаны Сәйфуллин Илдар Илдус улы үлем белән тәмамланган яра алды. Аның тормышы - Ватанга хезмәт итү үрнәге. Бернинди ихлас кайгы уртаклашу сүзләре дә гаиләсе кичергән хәсрәтне һәм газапларны җиңеләйтмәс. Илдар батырлыгы безнең хәтеребездә мәңгегә сакланачак, татарстанлыларның күп кенә буыннары өчен каһарманлык үрнәге булачак. Бүген без барыбыз да авыр югалту кичерәбез», - диде Аяз Әдип улы.
Җеназада катнашучылар алдында шулай ук Татарстан Республикасы Президенты Аппараты вәкиле Айрат Дамир улы Каюмов та кайгы уртаклашу сүзләре белән чыгыш ясады.
Илдар Көнбатыш хәрби округының 1 гвардия танк армиясенең 27 гвардияче мотоукчылар бригадасында рота командиры вазифасында хезмәт итә.
Бүген һәлак булганнар белән хушлашырга взвод командиры Илья Бухаров та килгән иде.
- Шәхсән үз исемемнән һәм хәрби часть командованиесе исеменнән туганнарының һәм якыннарының кайгыларын уртаклашам. Ул яхшы командир иде, һәрвакыт шәхси состав өчен борчылды, беркайчан да бәладә калдырмый торган чын сугышчан иптәш иде. Без аны һәрвакыт игелекле һәм мәрхәмәтле кеше итеп истә тотарбыз", - диде взвод командиры.
Шулай ук Илья Анатольевич капитан Илдар Сәйфуллинның үлгәннән соң Батырлык орденына тәкъдим ителүен билгеләп үтте.
Илдар безне һәм туган илебезне саклап һәлак булды. Панихида ахырында бер минут тынлык игълан ителде, аннан соң катнашучылар аның табутына чәчәкләр куйды. Матәм процессы оркестр белән озатылды. Геройны Урыссу мөселман зиратында җирләделәр. Илдарның 4 яшьлек кызы һәм хатыны калды.