Кече Урыссу авылында узган гает намазында Ютазы районы башлыгы Аяз Шәфигуллин катнашты

2022 елның 11 июле, дүшәмбе

9 июльдә, Ютазы районының барлык мәчетләрендә мөселманнар Корбан гаетенә җыелды.

Чарада катнашучыларга котлау сүзләре белән район башлыгы Аяз Шәфигуллин мөрәҗәгать итте.

- Бу бәйрәмдә исламның иң яхшы традицияләре, аның әхлакый идеаллары чагылдырылган,- дип билгеләп үтте Аяз Шәфигуллин.

- Аллаһы Тәгалә безнең догаларыбызны ишетсен, туганнарыбызга һәм якыннарыбызга хәер-фатихасын бирсен. Изге ниятләр һәм гамәлләр гаделлек белән бүләкләнәчәк, - диде Кече Урыссу авылы имамы Камил хәзрәт Абдуллин.

Корбан бәйрәме - ислам диненең төп бәйрәмнәреннән берсе. Ул ел саен Мәккәгә хаҗ  кылу тәмамлану уңаеннан билгеләп үтелә.