Урыссудагы 6 нчы балалар бакчасында кече төркем балалары өчен "Клепада кунакта" дип аталган күңел ачу чарасы узды
Баланың тормышын кызыклы күңел ачулардан, бәйрәмнәрдән, ярышлардан, мавыктыргыч уеннардан башка күз алдына да китереп булмый. Балалар бакчасында күңел ачу чараларының төп максаты - мәктәпкәчә яшьтәге нәниләрнең көнкүрешен төрлеләндерү, балаларда уңай эмоцияләр тудыру
Чара күңелле, кызыклы да булды, шул ук вакытта танып-белүне үстерүгә дә булышты. Паровозчыкта сәяхәт итеп, балалар Клепада кунакта булып чыкты. Балалар эшчәнлекнең барлык төрләренә дә зур кызыксыну белән кереште: кошлар җырлавын тыңлады, Клепа белән бергә «Кошечка», «Пряник» җырларын башкарды, музыкаль уеннар уйнады, табышмакларга җавап тапты, хайваннар булып күрсәтте, күбәләкләргә, үрмәкүчләргә, коңгызларга әверелделәр. Бала, хәрәкәт иткәндә, әйләнә-тирә дөньяны танып, аны яратырга һәм анда эш итәргә өйрәнә.
" Клепада кунакта" мавыктыргыч уены ярдәмендә балалар эмоциональ-уңай кәеф алдылар. Сабыйларда Җирдә яшәү өчен Кояш кирәк дигән күзаллау формалашты. Кояш аркасында кешеләр, үсемлекләр һәм хайваннар тереклек итә.