"Светлячок" мәктәп яны лагере вакытны күңелле уздыра

2022 елның 15 июле, җомга

«Светлячок» мәктәп яны лагереның кичәге көне бик бай булды.

"Гаилә" паркында район мәдәният йорты хезмәткәрләре "Безнең шатлыклы җәй" балалар уен программасын үткәрделәр, анда малайлар һәм кызлар бик теләп катнаштылар һәм татлы призлар алдылар. Уеннан соң балалар агачлар янында күләгәдә ял иттеләр, туп һәм бадминтон уйнадылар, малайлар качышлы уйнадылар.

Төштән соң «Энергия» стадионына бардылар, анда укучылар футбол уйнады.