Гаилә тату булганда, күңел дә урынында

2022 елның 15 июле, җомга

11 июль көнне 7 нче номерлы балалар бакчасында Гаилә, мәхәббәт һәм тугрылык көненә багышланган балаларның һәм аларның әти-әниләренең уртак бәйрәме үткәрелде.

Гаилә һәр бала һәм олылар тормышында күп нәрсәне аңлата. Шуңа күрә бу бәйрәм безнең илдә яшәүче һәркем күңеленә хуш килде. Җәй көне аны болай гына билгеләп үтмәскә булганнар. Бу көнне, 8 июльдә, бер искиткеч гаилә - Петр һәм Феврония гаиләсе тормышы турында искә алалар. Бу бәйрәм бик игелекле һәм якты.