Район балаларына мәктәп яны лагерьларына йөрү бик ошый
2 нче мәктәпнең «Светлячок» лагерында балалар футбол уйнадылар (танылган футболчы Стрельцовның 85 еллыгы уңаеннан), аннары рәсем конкурсында катнаштылар. Һәркем аның өчен матурлык булып күренгән нәрсәне ясады. Лагерь эшен "Гаилә паркы"нда төгәлләделәр.
Ә Урыссу башлангыч мәктәбе укучылары «Гаилә» паркында уйнарга һәм Үзәк балалар китапханәсе оештырган викторинада, эстафетада катнашырга теләк белән килделәр. Аннары тәрбиячеләр төрле сорауларга җавап бирергә кирәк булган уен үткәрделәр. Лагерь тәрбиячеләре юл хәрәкәте кагыйдәләрен белү буенча практик шөгыльләр үткәрделәр. Балалар бик теләп катнаштылар һәм юл хәрәкәте билгеләрен белү аларга киләчәктә юл-транспорт һәлакәтләренә эләкмәскә ярдәм итәчәген билгеләп үттеләр.
Урыссудагы 2 нче мәктәпнең «Пчелка» хезмәт һәм ял лагереның дүртенче көне мәктәп яны участогындагы декоратив бакчаны караудан башланды. Ә соңыннан укытучылар һәм балалар велосипедта сәяхәт итәргә булды. Чишмәләр янында тукталыш ясадылар. Табигать матурлыгы белән хозурландылар. Бик күп уңай эмоцияләр алдылар!