Һәр яклап файдалы

2013 елның 4 июле, пәнҗешәмбе
Быелгы ел безнең районда Велосипедчы елы дип игълан ителде. Ул күп санлы ютазылыларны массакүләм спортка җәлеп итүгә, аларның сәламәтлекләрен ныгытуга юнәлтелгән. Аның кысаларында соңгы көннәрдә ике велоузыш үтте.
Беренче велоузыш завод яшьләре арасында булды. Завод яшьләре комитеты рәисе Эльза Шәйдуллина хәбәр итүенчә, яшь активистлар башта кулларына чүп капчыклары тотып, бер сафка тезелеп Ык елгасы буен тәртипкә китерделәр. Аннары чүпне кагыйдә буенча утильләштерделәр. Соңыннан башкарылган эштән канәгать калып, велосипедларына утырып ял итәргә юнәлделәр. Велосипедта ярышлар, башка уеннар үткәрелде.
Тагын да масштаблырак велоузыш иртәгә Ютазы Кымыз белән дәвалау бистәсе - Азнакай маршруты буенча узачак. 50 чакрымлык дистанциядәге велоузыш стартына 23 катнашучы чыгарга тиеш. Күп кенә катнашучыга, аерым алганда, 16 велосипедчыга, велосипедларны район башкарма комитеты тәкъдим итте. Шуны билгеләп үтәргә кирәк, узыш алдыннан барлык катнашучылар терапевтта ЭКГ күрсәткечләре белән медицина тикшерүе уздылар. Велосипедчыларны бөтен маршрут буенча “ашыгыч ярдәм”, ЮХИДИ машиналары озата барачак. Шунысы куанычлы, яшьләр белән бергә велоузышта район җитәкчелеге, Урыссу үзәк район хастаханәсе, зур сәнәгать предприятиеләре җитәкчеләре, авыл җирлекләре башлыклары катнаша.
Рәмзия ГАЛИМУЛЛИНА
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгатьләре
Телефон: 8 (85593) 2-42-15
Факс: 8 (85593) 2-80-13
E-Mail: adm_jutaza@mail.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International